Sjukepleiar

Tokke kommune søkjer etter sjukepleiarar i helse og omsorgsetaten

Vi har ledig fylgjande stillingar:

• 3 x 100 % fast stilling som sjukepleiar på institusjon
• 100 % fast stilling sjukepleiar i heimetenesta

Hjå oss går ein i årsturnus der ein kan velje å gå langvakter 12 helger i året eller tradisjonelle vakter med 16 vakter per år. Årsturnus gjev meir fleksibilitet og gjer det lettare å tilpasse den enkelte sin livsfase. Ekstra helger i årsturnus blir kompensert.

Arbeidsoppgåver:

• Omsorg til menneske i deira eigen heim på institusjon eller i eigen bustad
• Bidra til å styrke bebuarane sine eigne ressursar for å ivareta eige liv og helse (kvardagsrehabilitering og velferdsteknologi)
• Planlegge sjølvstendig og ta raske avgjersler.
• Utføre kliniske vurderingar og fortløpande vurdere bebuars heilskaplege tilstand
• Samarbeid med pårørande
• Samarbeid med kollegaer, fastlege, ergo/fysio, sjukeheim, spesialisthelsetenesta m.m.
• Fast tid for sjukepleiaroppgåver og fagutvikling på stillingane på institusjon

Kompetanse:

• Krav om autorisasjon som sjukepleiar
• Fordel med relevant vidareutdanning, men ingen krav
• Krav om å beherske vanleg IKT verktøy (vi nytter PROFIL som dokumentasjonsprogram)
• Krav om gode ferdighetar i norsk både munnleg og skriftleg, med krav om bestått norskprøve B2 for framandspråklege søkjarar.
• Førarkort klasse B er ein føresetnad for stillinga i heimetenesta Tokke kommune

Personlege eigenskapar:

• Gode kommunikasjons- og samarbeidsevner
• Fokus på fagutvikling og refleksjon
• Fleksibel og endringsvillig
• Viser omsorg for andre
• Vera eit godt forbilde for medarbeidarar, bebuarar og pårørande
• Punktleg og strukturert
• Godt humør
• Å vere personleg egna til jobben vert vektlagt

Vi tilbyr:

• God opplæring
• Eit godt fagleg miljø og moglegheit for fagleg utvikling
• Faglege utfordringar og varierte arbeidsoppgåver
• Ein av Noregs finaste kommunar som arbeidsstad
• Godt arbeidsmiljø og engasjerte kollegaer
• Lønns- og arbeidsvilkår etter gjeldene lover, regler og avtaler
• Behjelpelege med å skaffe bustad

Tokke kommune har lokal lønnsstige som ligg kr 8 700 – kr 13 700 over sentral
tariff (ut frå ansiennitet).

Nærare opplysningar om stillingane får de ved å kontakte

• avdelingsleiar på institusjon Ragna Iren Grave tlf: 35 07 55 82
• avdelingsleiar i heimetenesta Astrid Kvaale tlf: 91 79 25 23

Aktuelle søkjarar vert kalla inn til intervju. Dei som vert tilsett, må leggje fram politiattest, før ein kan ta til i jobben.

I samsvar med Offentleglova §25 kan namn på søkjarane offentleggjerast.

Søknad vert å sende på elektronisk skjema, sjå www.tokke.kommune.no eller bruk grønn "Søk" til venstre på siden. 

Tokke er ein av seks kommunar i Vest-Telemark. Kommunen har i underkant av 2200 innbyggjarar. Vi har mange aktive bygder og grender, med kvar sine kvalitetar, tradisjonar og eldsjeler. Kommunen har mange mindre matprodusentar som i stor grad nyttar utmarksbeite i våre flotte fjell- og heiområder.

Det er eit mangfaldig kultur og organisasjonsliv i kommunen.

E-134 er ei av hovudfartsårene mellom Austlandet og Vestlandet og går gjennom kommunen i Høydalsmo. Kommunesenteret Dalen er om lag 220 km frå Oslo. Dalen sentrum har bevart ein del av sine historiske bygg, bryggjeanlegg ved Telemarkskanalen og eventyrhotellet Dalen Hotel frå 1894. Suleskarvegen mot Stavanger, 230 km unna, er ein populær sommarveg gjennom kommunen.

Tokke er ein kraftkommune og Statkraft Region Sør-Noreg har regionkontor og Vest-Telemark kraftlag har hovudkontor i kommunen. Det er også fleire industri- og høgteknologiske verksemder her.